Félag leiðsögumanna með hreindýraveiðum

Um félagið

Stofnfundur Félags leiðsögumanna með hreindýraveiðum var haldinn á Egilsstöðum föstudaginn 14. febrúar 2003. Alls mættu á milli 40 og 50 leiðsögumenn með hreindýraveiðum á fundinn.

Meðal helstu hlutverka félagsins er að stuðla að því að leiðsögn með hreindýraveiðum verði faglegt og sérhæft starf, að hreindýraveiðar á Íslandi verði stundaðar af fagmennsku og virðingu fyrir bráðinni og umhverfinu. Einnig er félagið málsvari félagsmanna útávið og gagnvart stjórnvöldum.